కాళేశ్వరం పేరుతో ప్రజాధనం వృథా

• బీఆర్ఎస్ నేతలపై మంత్రి పొంగులేటి శ్రీనివాసరెడ్డి తీవ్ర విమర్శలు

హైదరాబాద్: కాళేశ్వరం ప్రాజెక్టు పేరుతో గత ప్రభుత్వం వేల కోట్ల రూపాయల ప్రజాధనాన్ని వృథా చేసిందని రాష్ట్ర రెవెన్యూ శాఖ మంత్రి పొంగులేటి శ్రీనివాసరెడ్డి మండిపడ్డారు. నాణ్యతలేని నిర్మాణాలతో తెలంగాణ ప్రజలపై భారీ ఆర్థిక భారాన్ని మోపిన బీఆర్ఎస్ నాయకులకు, ఇప్పుడు కాంగ్రెస్ ప్రభుత్వాన్ని ప్రశ్నించే ఎలాంటి నైతిక హక్కు లేదని ఆయన తీవ్రంగా విమర్శించారు. ప్రాజెక్టు వైఫల్యాలపై వాస్తవాలు ప్రజలందరికీ తెలుసని, తమ తప్పులను కప్పిపుచ్చుకునేందుకే విపక్షాలు బురదజల్లే రాజకీయాలు చేస్తున్నాయని ధ్వజమెత్తారు.