పార్లమెంట్‌ శీతాకాల సమావేశంలో ‘వందేమాతరం’ వివాదంపై తృణమూల్‌ కాంగ్రెస్‌ ఎంపీ మహువా మోత్రా తీవ్రంగా స్పందించారు. బీజేపీ నేతలు “తాము పాడలేని వందేమాతరం గీతాన్ని ముస్లింలతో మాత్రం పాడించాలనుకుంటున్నారు” అని ఆరోపించారు. వారి వైఖరి “దారుణంగా రాసిన హాస్యం లాంటిదే” అని వ్యాఖ్యానించారు. చరిత్రను ఉదహరించిన ఆమె, బంకిమ్‌చంద్ర చట్టోపాధ్యాయుడి వందేమాతరం 1875లో రచించబడిందని, అది ఆర్ఎస్ఎస్‌ (1925), బీజేపీ (1980) ఏర్పాటుకు చాలాముందే ఉన్నదని గుర్తుచేశారు.స్వాతంత్య్ర సమరయోధులు రామ్‌ ప్రసాద్‌ బిస్మిల్‌, అష్‌ఫాఖుల్లా ఖాన్‌లను ప్రస్తావిస్తూ—“స్వాతంత్ర్య పోరాటంతో సంబంధం లేని బీజేపీ లేదా ఆర్ఎస్ఎస్‌కు చెందినవారు, దాని అర్థం గురించి ఇతరులకు ఉపన్యాసాలు చేసే నైతిక హక్కు ఎక్కడుంది?” అని ప్రశ్నించారు.మోత్రా వ్యాఖ్యలు సభలో ఒక దశలో ఉద్రిక్తతకు దారితీశాయి.
