Showing posts with label #USIranTalks #MiddleEastCrisis2026 #IranForeignMinistry #EsmaeilBaghaei #TehranNegotiations #GlobalDiplomacy #InternationalNews #BreakingNews. Show all posts
Showing posts with label #USIranTalks #MiddleEastCrisis2026 #IranForeignMinistry #EsmaeilBaghaei #TehranNegotiations #GlobalDiplomacy #InternationalNews #BreakingNews. Show all posts

Thursday, 21 May 2026

తీవ్రమైన అపనమ్మకం ఉన్నప్పటికీ అమెరికాతో చర్చలు


  • దౌత్య సంబంధాలపై ఇరాన్ విదేశాంగ శాఖ కీలక ప్రకటన
  • సంధి ప్రతిపాదనలపై స్పష్టత ఇచ్చిన టెహ్రాన్


పశ్చిమాసియాలో ఉద్రిక్తతలు కొనసాగుతున్న తరుణంలో, అమెరికాతో తాము జరుపుతున్న దౌత్యపరమైన చర్చలపై ఇరాన్ ప్రభుత్వం కీలక అధికారిక ప్రకటన చేసింది. వాషింగ్టన్‌తో తాము "సద్భావనతో" (Good Faith) చర్చలను కొనసాగిస్తున్నామని, అయితే దశాబ్దాలుగా ఆ దేశం అనుసరిస్తున్న తీరు వల్ల వారిపై తమకు ఇంకా "తీవ్రమైన అపనమ్మకం" (Deep Distrust) ఉందని ఇరాన్ విదేశాంగ మంత్రిత్వ శాఖ అధికార ప్రతినిధి ఇస్మాయిల్ బఘేయ్ స్పష్టం చేశారు. టెహ్రాన్‌లో జరిగిన ఒక మీడియా సమావేశంలో ఆయన మాట్లాడుతూ.. ఇరు దేశాల మధ్య పరోక్షంగా సాగుతున్న ఈ చర్చల ప్రక్రియకు సంబంధించిన వివరాలను వెల్లడించారు. తాము గతంలో ప్రతిపాదించిన 14 సూత్రాల ముసాయిదా ప్రణాళికకు ప్రతిగా, అమెరికా పంపిన కొన్ని సవరణలు , ప్రతిపాదనలను తమ దేశం ప్రస్తుతం నిశితంగా పరిశీలిస్తోందని ఆయన ధృవీకరించారు.



అమెరికాతో జరుగుతున్న ఈ చర్చల కోసం ఎలాంటి నిర్దిష్ట గడువులను (Deadlines) విధించలేదని, అంతర్జాతీయ మీడియాలో వస్తున్న అటువంటి ప్రచారాలు పూర్తిగా హాస్యాస్పదమని బఘేయ్ కొట్టిపారేశారు. ఈ సంప్రదింపుల్లో ఇరాన్ తన జాతీయ ప్రయోజనాలకు అత్యంత ప్రాధాన్యత ఇస్తోందని, ముఖ్యంగా లెబనాన్ సహా ప్రాంతీయ సరిహద్దుల్లో తక్షణమే యుద్ధాన్ని ముగించడమే తమ ప్రథమ లక్ష్యమని వివరించారు. దీనితోపాటు విదేశాలలో అక్రమంగా స్తంభింపజేసిన తమ దేశ ఆర్థిక ఆస్తులను (Frozen Assets) వెంటనే విడుదల చేయాలని, అంతర్జాతీయ జలాల్లో ఇరాన్ నౌకాయానాన్ని టార్గెట్ చేయడం ఆపాలని , తమ ఓడరేవులపై విధించిన కఠినమైన ఆర్థిక ఆంక్షలను అమెరికా తక్షణమే ఎత్తివేయాలని ఇరాన్ తన ప్రధాన డిమాండ్లను స్పష్టం చేసింది. ఒకవేళ ఈ చర్చలు విఫలమైతే ఎదురయ్యే ఎలాంటి పరిస్థితులనైనా ఎదుర్కొనేందుకు, దేశ సార్వభౌమత్వాన్ని రక్షించేందుకు ఇరాన్ సాయుధ దళాలు అత్యంత అప్రమత్తంగా ఉన్నాయని ఆయన ఈ సందర్భంగా హెచ్చరించారు.

Featured post

రూ.560 కోట్ల అమెరికా సైనిక విమానాన్ని గొడ్డలితో ధ్వంసం చేసిన దుండగుడు.. ఐర్లాండ్‌లో సంచలనం!

ఐర్లాండ్‌లోని షానన్‌ విమానాశ్రయంలో పార్క్‌ చేసి ఉన్న అమెరికా సైనిక రవాణా విమానంపై ఓ వ్యక్తి దాడికి పాల్పడ్డాడు. గొడ్డలి, ప్రత్యేక రసాయనాన్ని...