న్యూఢిల్లీ: బాలీవుడ్ ప్రముఖ నటుడు అనిల్ కపూర్ తన ప్రాణ స్నేహితుడు, దివంగత నటుడు సతీశ్ కౌశిక్‌ను గుర్తు చేసుకుని తీవ్ర భావోద్వేగానికి గురయ్యారు. తాను హోస్ట్ చేస్తున్న 'ఇండియా కే టాప్ 1%' (India Ke Top 1%) షో సెట్‌కు సతీశ్ కౌశిక్ పోలికలతో ఉన్న 'గగన్' అనే వ్యక్తి రావడంతో అనిల్ కపూర్ ఒక్కసారిగా గతాన్ని నెరుకువచ్చారు. సతీశ్‌తో ఉన్న తన అనుబంధాన్ని వివరిస్తూ ఆయన కంటతడి పెట్టారు. సతీశ్‌తో తన బంధాన్ని మాటల్లో చెప్పలేనని, ఆ షూటింగ్ ఎన్ని గంటలు జరిగినా ఆయన జ్ఞాపకాలు సరిపోవని అన్నారు. తనకంటూ ఒక కవల సోదరుడు ఉంటే అది కచ్చితంగా సతీశ్ మాత్రమేనని, తన కోపం, సంతోషం వంటి ప్రతీ విషయం ఆయనకు బాగా తెలుసని కొనియాడారు.
వందకు పైగా చిత్రాల్లో నటించిన సతీశ్ కౌశిక్ 2023 మార్చిలో గురుగ్రామ్‌లో గుండెపోటుతో మరణించిన విషయం తెలిసిందే. సుమారు 40 ఏళ్ల సినీ ప్రయాణం తర్వాత ఆయన నిర్మించి, నటించిన 'చోరియన్ చోరోన్ సే కమ్ నహీ హోతీ' హర్యానా సినిమాకు ఉత్తమ ప్రాంతీయ చిత్రంగా జాతీయ చలనచిత్ర పురస్కారాన్ని గెలుచుకున్నారు. సతీశ్ కౌశిక్ జ్ఞాపకాలను అనిల్ కపూర్ గుర్తుచేసుకున్న ఈ వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి.
