దేశవ్యాప్త నిరసనలకు పిలుపు
వెనిజులా అధ్యక్షుడు నికోలస్ మాదురోను అమెరికా దళాలు బంధించడాన్ని భారతదేశంలోని వామపక్ష పార్టీలు (CPI, CPI(M), ఫార్వర్డ్ బ్లాక్) తీవ్రంగా ఖండించాయి. అమెరికా చర్యను "అంతర్జాతీయ ఉగ్రవాదం", "సామ్రాజ్యవాద దురహంకారం"గా అవి అభివర్ణించాయి.
వామపక్షాల ఆగ్రహం
జనవరి 3 తెల్లవారుజామున వెనిజులా రాజధాని కరాకస్పై అమెరికా వైమానిక దాడులు చేసి, అధ్యక్షుడు మాదురో, ఆయన భార్య సిలియా ఫ్లోరెస్లను అమెరికా ప్రత్యేక దళాలు అదుపులోకి తీసుకున్నాయి. ఇది ఒక సార్వభౌమాధికారం ఉన్న దేశంపై జరిగిన అక్రమ దాడి అని CPI(M) జనరల్ సెక్రటరీ ఎం.ఏ. బేబీ పేర్కొన్నారు. ప్రజాస్వామ్యబద్ధంగా ఎన్నికైన నాయకుడిని కిడ్నాప్ చేయడం అంతర్జాతీయ చట్టాలను ఉల్లంఘించడమేనని మండిపడ్డారు. ఈ విషయంలో ఐక్యరాజ్యసమితి వెంటనే జోక్యం చేసుకుని, అమెరికా దురాగతాలను అడ్డుకోవాలని ఆల్ ఇండియా ఫార్వర్డ్ బ్లాక్ డిమాండ్ చేసింది. అమెరికా వైఖరికి వ్యతిరేకగా, వెనిజులా ప్రజలకు మద్దతుగా దేశవ్యాప్తంగా నిరసనలు చేపట్టాలని వామపక్షాలు తమ కార్యకర్తలకు పిలుపునిచ్చాయి. డొనాల్డ్ ట్రంప్ నేతృత్వంలోని అమెరికా ప్రభుత్వం మాదురోపై మాదకద్రవ్యాల అక్రమ రవాణా (Narco-terrorism) ఆరోపణలు మోపి, ఈ ఆపరేషన్ నిర్వహించినట్లు ప్రకటించింది. అయితే, చమురు నిల్వల కోసమే అమెరికా ఈ కుట్ర పన్నిందని వామపక్ష పార్టీలు ఆరోపిస్తున్నాయి.
No comments:
Post a Comment