హైదరాబాద్‌: బీఆర్‌ఎస్‌ అధినేత, మాజీ సీఎం కేసీఆర్‌పై కాంగ్రెస్‌ ఎమ్మెల్యే వీర్లపల్లి శంకర్‌ తీవ్ర వ్యాఖ్యలు చేసినట్లు ప్రచారంలోకి వచ్చిన ఓ ప్రకటన రాజకీయంగా దుమారం రేపుతోంది. “కేసీఆర్‌ చనిపోవాలని మేం కోరుకుంటున్నాం. ఆయన మరణం కోసం ఎదురుచూస్తున్నాం. ఆయన త్వరగా చనిపోవాలి. కేసీఆర్‌ చనిపోతే రాష్ట్రం మరింత బాగుపడుతుంది” అంటూ ఆయన వ్యాఖ్యానించినట్లు పేర్కొంటున్నారు. ఈ వ్యాఖ్యలను ఉద్దేశించి సోషల్‌ మీడియాలో ‘మొహబ్బత్‌ కీ దుకాన్‌’ అసలు రూపం ఇదే అంటూ విమర్శలు వెల్లువెత్తుతున్నాయి.అయితే, ఈ వ్యాఖ్యలకు సంబంధించిన పూర్తి వీడియో లేదా అధికారిక సందర్భం అందుబాటులో లేకపోవడంతో, వీర్లపల్లి శంకర్‌ నిజంగా ఇదే వ్యాఖ్యలు చేశారా అన్నది పూర్తి సందర్భంతో నిర్ధారించాల్సి ఉంది.
