హైదరాబాద్, డిసెంబర్ 29: మాజీ ముఖ్యమంత్రి కె. చంద్రశేఖర్ రావు (కేసీఆర్) పాలనలో డిండి లిఫ్ట్ ఇరిగేషన్ ప్రాజెక్టు పట్ల తీవ్ర నిర్లక్ష్యం జరిగిందని మాజీ బీఆర్ఎస్ నేత, తెలంగాణ జాగృతి అధ్యక్షురాలు కల్వకుంట్ల కవిత తీవ్ర విమర్శలు గుప్పించారు.పదేళ్ల కేసీఆర్ పాలనలో డిండి ప్రాజెక్టు కింద ఒక్క ఎకరాకు కూడా నీళ్లు అందలేదని, సర్వేల కోసమే రూ.10 కోట్లు దుబారా ఖర్చు చేశారని కవిత ఆరోపించారు. "తట్టెడు మట్టి కూడా ఎత్తలేదు. రూపాయ పని జరగలేదు" అని ఆమె మండిపడ్డారు.అప్పటి కాంగ్రెస్ ప్రభుత్వం ఇచ్చిన ఆయకట్టు కంటే అదనంగా ఒక్క ఎకరాకు కూడా నీటి సౌకర్యం కల్పించలేదని కవిత విమర్శించారు. "40 వేల ఎకరాలకు నీళ్లు ఇస్తామని హామీ ఇచ్చి, నాలుగు గంటలకు కూడా చుక్క నీరు అందించలేదు" అని ఆమె అన్నారు.డిండి ప్రాజెక్టు ద్వారా నల్గొండ, నాగర్కర్నూల్, రంగారెడ్డి జిల్లాల్లో లక్షలాది ఎకరాలకు సాగునీరు అందే అవకాశం ఉన్నప్పటికీ, బీఆర్ఎస్ ప్రభుత్వం నిర్లక్ష్యం వల్ల రైతులు నష్టపోయారని కవిత ఆవేదన వ్యక్తం చేశారు.గతంలో బీఆర్ఎస్ నుంచి సస్పెండ్ అయిన కవిత, ప్రస్తుతం తెలంగాణ జాగృతి ద్వారా రాష్ట్రవ్యాప్తంగా పర్యటిస్తూ ప్రజా సమస్యలపై పోరాటం చేస్తున్నారు. ఈ విమర్శలు రాజకీయంగా కలకలం రేపుతున్నాయి.
No comments:
Post a Comment