శీతాకాలంలో ఆరోగ్యాన్ని, రుచిని అందించే బ్రకోలీ

• 'బ్రకోలీ'తో ఐదు రకాల రుచికరమైన వంటకాలు!

శీతాకాలం వచ్చేసింది. ఈ సీజన్‌లో మార్కెట్‌లో తాజాగా దొరికే కూరగాయల్లో బ్రకోలీ ఒకటి. చూడటానికి మాత్రమే కాకుండా, పోషక విలువల్లో కూడా బ్రకోలీ ఎంతో మేలైనది. సాధారణంగా బ్రకోలీని ఎలా వండాలో తెలియక చాలామంది దీనిని పక్కన పెడుతుంటారు. కానీ, అతి తక్కువ సమయంలో చాలా రుచిగా చేసుకునే ఐదు రకాల బ్రకోలీ వంటకాలు మీకోసం:

రోస్టెడ్ బ్రకోలీ (Roasted Broccoli): బ్రకోలీ ముక్కలకు నూనె, ఉప్పు, మిరియాల పొడి, వెల్లుల్లి తరుగు, చిల్లీ ఫ్లేక్స్ కలిపి ఓవెన్‌లో రోస్ట్ చేయాలి. చివరగా కొంచెం నిమ్మరసం, చీజ్ వేసుకుంటే క్రంచీ స్నాక్ సిద్ధం.

బ్రకోలీ స్పఘెట్టి (Broccoli Spaghetti): పాస్తా ప్రేమికులకు ఇది మంచి ఎంపిక. ఉడికించిన స్పఘెట్టికి వేయించిన బ్రకోలీ, వెల్లుల్లి, చీజ్ కలిపి హెల్తీ లంచ్‌గా తీసుకోవచ్చు.

బ్రకోలీ సూప్ (Broccoli Soup): చలికాలపు సాయంత్రం వేళ వేడివేడి బ్రకోలీ సూప్ ఎంతో హాయినిస్తుంది. ఉల్లిపాయలు, వెల్లుల్లి, బ్రకోలీని ఉడికించి మిక్సీ పట్టి, కొద్దిగా క్రీమ్ కలిపితే ఈ సూప్ తయారవుతుంది.

బ్రకోలీ స్టిర్-ఫ్రై (Stir-fry Broccoli): అన్నం లేదా నూడుల్స్‌లోకి ఇది సైడ్ డిష్‌గా బాగుంటుంది. అల్లం, వెల్లుల్లి, సోయా సాస్ వేసి హై ఫ్లేమ్‌పై బ్రకోలీని ఫ్రై చేస్తే చాలు.

బ్రకోలీ సలాడ్ (Broccoli Salad): బ్రకోలీని చిన్న ముక్కలుగా చేసి టొమాటోలు, క్యారెట్లు, ఉల్లిపాయలు, మీకిష్టమైన డ్రెస్సింగ్‌తో కలిపి సలాడ్‌లా తీసుకోవచ్చు. ఇది బరువు తగ్గాలనుకునే వారికి సరైన డైట్.