- వారి టిఫిన్ బాక్స్ను మెప్పించే 5 అదిరిపోయే క్రియేటివ్ ఐడియాలు ఇవే
చాలామంది తల్లిదండ్రులకు తమ పిల్లలు కూరగాయలు తినకుండా మారాం చేయడం పెద్ద తలనొప్పిగా మారుతుంది. అయితే, వారికి నచ్చని కూరగాయలను నేరుగా పెట్టకుండా, కొన్ని స్మార్ట్ , రుచికరమైన పద్ధతుల్లో అందిస్తే వారు లొట్టలేసుకుంటూ తింటారు. తాజాగా వెలువడిన 'టిఫిన్ బాక్స్ గైడ్' ప్రకారం.. పిల్లల డైట్లో పోషకాలను చేర్చే ఐదు అద్భుతమైన మార్గాలు ఇక్కడ ఉన్నాయి. మొదటగా, వెజ్జీ-లోడెడ్ పరాటాస్ లేదా దోసెలు. క్యారెట్, పాలకూర లేదా బీట్రూట్లను మెత్తగా గ్రైండ్ చేసి పిండిలో కలిపి రంగురంగుల రోటీలు లేదా దోసెలు వేస్తే పిల్లలు ఎంతో ఇష్టంగా తింటారు. రెండవది, వెజిటబుల్ పాస్తా లేదా నూడుల్స్. మైదాకు బదులు హోల్-వీట్ పాస్తా వాడుతూ, అందులో క్యాప్సికమ్, కార్న్, బ్రోకలీ వంటి కూరగాయలను సన్నగా తరిగి సాస్తో కలిపి ఇస్తే వారు కూరగాయలనే విషయాన్ని కూడా మర్చిపోతారు.
మరో ఆసక్తికరమైన ఐడియా వెజ్ కట్లెట్స్ లేదా నగ్గెట్స్. ఉడికించిన బంగాళదుంపలతో పాటు అన్నిరకాల కూరగాయలను కలిపి మ్యాష్ చేసి, వాటిని ఆకర్షణీయమైన ఆకారాల్లో ఫ్రై చేసి ఇస్తే స్నాక్స్లా ఆరగిస్తారు. నాలుగవది, రెయిన్బో శాండ్విచ్లు. బ్రెడ్ మధ్యలో కీరదోస, టమోటా, ఉల్లిపాయ ముక్కలతో పాటు చీజ్ వేసి ఇస్తే పౌష్టికాహారంతో పాటు రుచి కూడా అందుతుంది. చివరగా, వెజిటబుల్ ముతీయాలు లేదా ఇడ్లీలు. ఇడ్లీ పిండిలో తురిమిన క్యారెట్, కొత్తిమీర వేసి చిన్న చిన్న మినీ ఇడ్లీలుగా పంపిస్తే బాక్స్ ఖాళీ అవ్వడం ఖాయం. ఈ చిట్కాలతో పిల్లల ఆరోగ్యాన్ని కాపాడుతూనే, వారి భోజనాన్ని ఆనందమయం చేయవచ్చు.
No comments:
Post a Comment