మెరిసే చర్మం మీ సొంతం

•  ముఖారవిందాన్ని పెంచే 5 సులభమైన అలవాట్లు
• బిగినర్స్ కోసం స్పెషల్ గైడ్

చర్మ సౌందర్యం కేవలం ఖరీదైన క్రీములతోనే రాదు, మనం రోజువారీ పాటించే చిన్న చిన్న అలవాట్లపైనే అది ఆధారపడి ఉంటుంది. తాజాగా వెలువడిన బ్యూటీ గైడ్ ప్రకారం, సహజమైన మెరుపును పొందడానికి ఐదు ముఖ్యమైన సూత్రాలను నిపుణులు సూచిస్తున్నారు. మొదటగా, ప్రతిరోజూ తగినంత నీరు తాగడం చాలా అవసరం. ఇది శరీరంలోని వ్యర్థాలను బయటకు పంపి చర్మాన్ని లోపలి నుంచి తాజాగా ఉంచుతుంది. రెండవది, క్లెన్సింగ్ , మాయిశ్చరైజింగ్. ఉదయం, రాత్రి పడుకునే ముందు ముఖాన్ని శుభ్రంగా కడుక్కొని, చర్మ స్వభావాన్ని బట్టి మంచి మాయిశ్చరైజర్ రాయడం వల్ల చర్మం పొడిబారకుండా ఉంటుంది.

వీటితోపాటు, ఎండలోకి వెళ్లేటప్పుడు సన్‌స్క్రీన్ వాడటం అస్సలు మర్చిపోకూడదు. ఇది సూర్యరశ్మి వల్ల కలిగే నష్టాన్ని, ముడతలను నివారిస్తుంది. నాలుగవదిగా, ఆరోగ్యకరమైన ఆహారం, నిద్ర. విటమిన్లు పుష్కలంగా ఉండే పండ్లు, కూరగాయలు తీసుకోవడంతో పాటు కనీసం 7-8 గంటల నిద్ర చర్మానికి పునరుత్తేజాన్ని ఇస్తుంది. చివరగా, రాత్రి పడుకునే ముందు ముఖంపై ఉన్న మేకప్‌ను కచ్చితంగా తొలగించాలి. లేదంటే చర్మ రంధ్రాలు మూసుకుపోయి మొటిమలు వచ్చే అవకాశం ఉంటుంది. ఈ సింపుల్ టిప్స్ పాటిస్తే ఏ వయసు వారైనా కాంతివంతమైన చర్మాన్ని తమ సొంతం చేసుకోవచ్చు.