విద్యాబాలన్ ప్రస్థానాన్ని మార్చిన ఐదు ఐకానిక్ చిత్రాలు

 47వ వసంతంలోకి అడుగుపెట్టిన విద్యాబాలన్

బాలీవుడ్‌లో ఆమె ప్రస్థానాన్ని మార్చిన ఐదు ఐకానిక్ చిత్రాలు!

భారతీయ చలనచిత్ర పరిశ్రమలో తనకంటూ ఒక ప్రత్యేక గుర్తింపు తెచ్చుకున్న నటి విద్యాబాలన్ గురువారం (జనవరి 1) తన 47వ పుట్టినరోజును జరుపుకున్నారు. గ్లామర్ పాత్రలకే పరిమితం కాకుండా, కథానాయిక ప్రాధాన్యం ఉన్న చిత్రాలతో బాలీవుడ్ ముఖచిత్రాన్ని మార్చిన ఘనత ఆమెది. ఆమె కెరీర్‌లో మైలురాయిగా నిలిచిన కొన్ని చిత్రాలను చూద్దాం.

పరిణీత (2005): ఈ సినిమాతోనే విద్యాబాలన్ బాలీవుడ్ ఎంట్రీ ఇచ్చారు. 'లోలిత' పాత్రలో ఆమె నటన విమర్శకుల ప్రశంసలు అందుకుంది. మొదటి సినిమాతోనే తనేంటో నిరూపించుకున్నారు.

పా (2009): అమితాబ్ బచ్చన్ తల్లిగా ఒక సవాలుతో కూడిన పాత్రలో నటించి విద్యా అందరినీ ఆశ్చర్యపరిచారు. ఒక సింగిల్ మదర్ పడే వేదనను ఆమె అద్భుతంగా పండించారు.

కహానీ (2012): గర్భిణీ స్త్రీగా తన భర్త కోసం వెతికే విద్యా బాగ్చీ పాత్రలో ఆమె నటన ఈ చిత్రానికి ప్రాణం పోసింది. ఈ థ్రిల్లర్ మూవీ విద్యా కెరీర్‌లో ఒక 'కల్ట్ క్లాసిక్'గా నిలిచిపోయింది.

భూల్ భులైయా (2007): మంజులికగా ఆమె చూపిన నటన, హావభావాలు ఇప్పటికీ ప్రేక్షకులకు గుర్తుండిపోతాయి. ఈ హర్రర్ కామెడీలో ఆమె నటన వెర్సటాలిటీకి నిదర్శనం.

ది డర్టీ పిక్చర్ (2011): సిల్క్ స్మిత జీవిత కథ ఆధారంగా తెరకెక్కిన ఈ చిత్రంలో విద్యాబాలన్ నటన అమోఘం. ఈ సినిమాకు గాను ఆమె ఉత్తమ నటిగా 'జాతీయ అవార్డు'ను అందుకున్నారు.