వలస కార్మికుల పిల్లల కోసం ‘మొబైల్ అంగన్వాడీ వాహనాలు’ ప్రారంభం

 

రాష్ట్రంలోని వలస కార్మికుల పిల్లల సంక్షేమం కోసం తెలంగాణ ప్రభుత్వం సరికొత్త ‘మొబైల్ అంగన్వాడీ వాహనాలను’ అందుబాటులోకి తెచ్చింది. హైదరాబాద్‌లోని ఎంసీఆర్‌ హెచ్‌ఆర్‌డీ (MCR HRD) లో రాష్ట్ర మంత్రులు సీతక్క, వివేక్ వెంకటస్వామి సంయుక్తంగా ఈ వాహనాలకు పచ్చజెండా ఊపారు. మహిళా శిశు సంక్షేమ, కార్మిక శాఖలు సంయుక్తంగా రూపొందించిన ఈ సంచార వాహనాల ద్వారా అంగన్వాడీ కేంద్రాలు లేని నిర్మాణ ప్రాంతాల్లోని చిన్నారులకు నేరుగా పోషకాహారం, ప్రీ-స్కూల్ విద్య , ప్రాథమిక ఆరోగ్య సేవలు అందుతాయి.