తెలంగాణ యువతలో బీజేపీపై తగ్గిన ఆదరణ

 

• గ్రేటర్‌లోనూ గ్రాఫ్ డౌన్: చాణక్య స్ట్రాటజీస్

తెలంగాణలో బీజేపీకి యువత నుంచి గతంతో పోలిస్తే మద్దతు తగ్గిందని చాణక్య స్ట్రాటజీస్ సర్వే పేర్కొంది. 2023 అసెంబ్లీ ఎన్నికలకు ముందు తెలంగాణ యువతలో బీజేపీ పట్ల ఆసక్తి, మద్దతు కనిపించిందని.. అయితే ఆ తర్వాత చోటుచేసుకున్న పరిణామాలతో యువతలో ఆ పార్టీకి ఆదరణ తగ్గిపోయిందని తెలిపింది.

కార్పొరేషన్ ఎన్నికలకు సంబంధించి నిర్వహించిన సర్వేలో ప్రస్తుతం ఉన్న 11 మంది బీజేపీ కార్పొరేటర్లు కూడా ఓటమి పాలయ్యే పరిస్థితిలో ఉన్నట్లు తేలిందని చాణక్య స్ట్రాటజీస్ వెల్లడించింది. ముఖ్యంగా గ్రేటర్ హైదరాబాద్ పరిధిలోని పలు నియోజకవర్గాల్లో బీజేపీ గ్రాఫ్ 50 శాతానికి పైగా పడిపోయిందని పేర్కొంది.

తెలంగాణ యువతలో బీజేపీపై ఆశలు తగ్గిపోవడం, గ్రేటర్ హైదరాబాద్ పరిధిలో పార్టీ ప్రభావం క్షీణించడం రాబోయే స్థానిక సంస్థల ఎన్నికల్లో ఆ పార్టీపై ప్రభావం చూపే అవకాశం ఉందని సర్వే అంచనాలు సూచిస్తున్నాయి.