Wednesday, 23 September 2026

పోలీసులకు దరఖాస్తు చేసుకోండి

 

  • నాని రిక్వెస్ట్‌కు సీఎం రేవంత్‌ స్పందన
  • ఆర్టీసీ క్రాస్‌రోడ్స్‌లో అభిమానులతో కలిసి సినిమా చూడాలన్న నాని
  • భద్రతా నిబంధనలు పాటిస్తామన్న హీరో
  • అధికారిక దరఖాస్తును పరిశీలించి నిర్ణయం తీసుకోవాలని పోలీసులకు సూచన

హైదరాబాద్‌: ‘ది ప్యారడైజ్‌’ సినిమా ప్రీమియర్‌ షోను హైదరాబాద్‌ ఆర్టీసీ క్రాస్‌రోడ్స్‌లో అభిమానులతో కలిసి వీక్షించాలన్న హీరో నాని విజ్ఞప్తిపై తెలంగాణ సీఎం రేవంత్‌ రెడ్డి స్పందించారు. భద్రతా నిబంధనలను గౌరవిస్తూ సినిమా ప్రీమియర్‌కు హాజరు కావాలన్న నాని వైఖరిని అభినందించిన సీఎం.. జన సమూహం, ప్రజా భద్రతను దృష్టిలో ఉంచుకుని సంబంధిత స్థానిక పోలీస్‌ స్టేషన్‌లో అధికారికంగా దరఖాస్తు చేసుకోవాలని సూచించారు.



నాని తన విజ్ఞప్తిలో ‘ది ప్యారడైజ్‌’ ప్రీమియర్‌ను ప్రేక్షకులతో కలిసి థియేటర్‌లో చూడటం తనకు ప్రత్యేకమైన అనుభూతి అని పేర్కొన్నారు. అవసరమైన భద్రతా నిబంధనలు, మార్గదర్శకాలను పూర్తిగా పాటిస్తామని హామీ ఇచ్చారు. దీనికి స్పందించిన రేవంత్‌ రెడ్డి.. నాని అభ్యర్థనను సంబంధిత పోలీసు బృందం పరిశీలించి, పరిస్థితులకు అనుగుణంగా నిర్ణయం తీసుకుంటుందని తెలిపారు. ఈ మేరకు తెలంగాణ డీజీపీకి కూడా తగిన చర్యలు తీసుకోవాలని సూచించారు.

ఆర్టీసీ క్రాస్‌రోడ్స్‌లో గతంలో జరిగిన సినిమా ప్రీమియర్‌ సందర్భంగా చోటుచేసుకున్న తొక్కిసలాట ఘటన నేపథ్యంలో ప్రముఖుల థియేటర్‌ సందర్శనలకు సంబంధించి భద్రత, జన నియంత్రణ అంశాలు ప్రాధాన్యం సంతరించుకున్నాయి. ‘ది ప్యారడైజ్‌’కు సెప్టెంబర్‌ 23న ప్రత్యేక ప్రీమియర్‌ షో, సెప్టెంబర్‌ 24న సాధారణ విడుదలకు అనుమతులు ఇప్పటికే మంజూరయ్యాయి.


No comments:

Post a Comment

Featured post

రూ.560 కోట్ల అమెరికా సైనిక విమానాన్ని గొడ్డలితో ధ్వంసం చేసిన దుండగుడు.. ఐర్లాండ్‌లో సంచలనం!

ఐర్లాండ్‌లోని షానన్‌ విమానాశ్రయంలో పార్క్‌ చేసి ఉన్న అమెరికా సైనిక రవాణా విమానంపై ఓ వ్యక్తి దాడికి పాల్పడ్డాడు. గొడ్డలి, ప్రత్యేక రసాయనాన్ని...