Tuesday, 29 September 2026

గ్రామీణ తాగునీటి వ్యవస్థల నిర్వహణపై ‘సుజల్‌ గ్రామ సంవాద్‌’




న్యూఢిల్లీ, సెప్టెంబర్‌ 29: తాగునీరు, పారిశుద్ధ్య విభాగం (డీడబ్ల్యూఎస్‌) ఆధ్వర్యంలో బహుభాషా ‘సుజల్‌ గ్రామ సంవాద్‌’ 11వ ఎడిషన్‌ను ఈరోజు నిర్వహించారు.

గ్రామీణ తాగునీటి వ్యవస్థల నిర్వహణ, కార్యకలాపాలపై గ్రామపంచాయతీ ప్రతినిధులు, స్థానిక సమాజాలతో నేరుగా చర్చించేందుకు ఈ కార్యక్రమం వేదికగా నిలిచిందని జలశక్తి మంత్రిత్వ శాఖ తెలిపింది.

గ్రామీణ తాగునీటి వ్యవస్థల సుస్థిరత, దీర్ఘకాలిక నిర్వహణలో గ్రామపంచాయతీల కీలక పాత్రను డీడబ్ల్యూఎస్‌ కార్యదర్శి అశోక్‌ కె.కె. మీనా వివరించారు. ప్రతి ఇంటికీ నిరంతర, సురక్షిత, విశ్వసనీయ తాగునీటి సేవలు అందించడంలో ఎన్నికైన ప్రజాప్రతినిధులు, గ్రామ నీరు-పారిశుద్ధ్య కమిటీలు, స్థానిక సమాజాల చురుకైన భాగస్వామ్యం కీలకమని ఆయన పేర్కొన్నారు.

11వ సుజల్‌ సంవాద్‌లో నాలుగు గ్రామపంచాయతీ ప్రధాన కార్యాలయాలున్న గ్రామాల్లో క్షేత్రస్థాయి పరస్పర చర్చలు జరిగాయి. వర్చువల్‌గా జరిగిన ఈ సంవాద్‌లో గ్రామపంచాయతీ ప్రతినిధులు, గ్రామ నీరు-పారిశుద్ధ్య కమిటీ సభ్యులు, సమాజ ప్రతినిధులు, అంగన్‌వాడీ కార్యకర్తలు, విద్యార్థులు, ఉపాధ్యాయులు, గ్రామపంచాయతీలకు చెందిన ఫ్రంట్‌లైన్‌ సిబ్బంది, జల్‌ జీవన్‌ మిషన్‌ రాష్ట్ర మిషన్‌ డైరెక్టర్లు, రాష్ట్రాల ఉన్నతాధికారులు పాల్గొన్నారు.

No comments:

Post a Comment

Featured post

రూ.560 కోట్ల అమెరికా సైనిక విమానాన్ని గొడ్డలితో ధ్వంసం చేసిన దుండగుడు.. ఐర్లాండ్‌లో సంచలనం!

ఐర్లాండ్‌లోని షానన్‌ విమానాశ్రయంలో పార్క్‌ చేసి ఉన్న అమెరికా సైనిక రవాణా విమానంపై ఓ వ్యక్తి దాడికి పాల్పడ్డాడు. గొడ్డలి, ప్రత్యేక రసాయనాన్ని...