పార్లమెంట్‌కు వచ్చి ‘వార్తల సాగు’ చేశారు

• మోదీకి జైరాం రమేశ్‌ సూటి ప్రశ్న

కేంద్ర హోంమంత్రి అమిత్‌ షా పార్లమెంట్‌లో చర్చలకు సిద్ధంగా ఉన్నారని పదేపదే చెబుతున్నారని, కానీ వాస్తవానికి ఆయన పార్లమెంట్‌కు వచ్చి తన గదిలో కూర్చొని ‘వార్తల సాగు’ చేసేవారని కాంగ్రెస్‌ ప్రధాన కార్యదర్శి, రాజ్యసభ సభ్యుడు జైరాం రమేశ్‌ విమర్శించారు.

అయోధ్య రామ మందిరానికి సంబంధించిన ట్రస్టుపై ప్రస్తుతం ప్రశ్నలు తలెత్తుతున్న నేపథ్యంలో, ఇది రాష్ట్రానికి సంబంధించిన అంశమని, పార్లమెంట్‌లో దీనిపై చర్చ ఎలా సాధ్యమవుతుందని ప్రభుత్వం చెబుతోందని ఆయన అన్నారు. అయితే 2020 ఫిబ్రవరి 5న ప్రధాని నరేంద్ర మోదీ స్వయంగా లోక్‌సభలో అయోధ్యలో ట్రస్టు ఏర్పాటు చేస్తున్నట్లు ప్రకటించి, ఆ నిర్ణయానికి ఘనంగా క్రెడిట్‌ తీసుకున్నారని జైరాం రమేశ్‌ గుర్తుచేశారు.

‘‘ఇప్పుడు అదే ట్రస్టుపై ప్రశ్నలు తలెత్తుతున్నప్పుడు ఇది రాష్ట్రానికి సంబంధించిన అంశమని అంటున్నారు. అలాంటప్పుడు 2020 ఫిబ్రవరి 5న లోక్‌సభలో నరేంద్ర మోదీ స్వయంగా ఆ ట్రస్టు ఏర్పాటును ఎందుకు ప్రకటించారు? దాని క్రెడిట్‌ను ఎందుకు తీసుకున్నారు?’’ అని జైరాం రమేశ్‌ ప్రశ్నించారు.