చంద్రుడిపై కూలిన స్పేస్‌ఎక్స్ రాకెట్ శకలం

 

• దృశ్యాలు తీసిన కొరియా శాటిలైట్

చంద్రుడి ఉపరితలంపై స్పేస్‌ఎక్స్‌కు చెందిన ఫాల్కన్‌-9 రాకెట్ శకలం ప్రమాదవశాత్తూ ఢీకొట్టింది. ఈ ఘటనకు సంబంధించిన ఆసక్తికర దృశ్యాలను దక్షిణ కొరియాకు చెందిన ‘దనూరి’ అంతరిక్ష నౌక రికార్డు చేసింది. రాకెట్ శకలం చంద్రుడిని ఢీకొట్టడానికి ముందు, ఆ తర్వాత ప్రభావిత ప్రాంతానికి సంబంధించిన చిత్రాలను దనూరి తన కెమెరాలో బంధించింది.

చంద్రుడి కక్ష్యలో ప్రయాణిస్తున్న సమయంలోనే ఈ ఘటన చోటుచేసుకోవడం విశేషం. రాకెట్ శకలం ఢీకొన్న ప్రాంతంలో భారీ గొయ్యి ఏర్పడటంతో పాటు దుమ్ము, రాళ్లు పెద్ద ఎత్తున ఎగసిపడినట్లు చిత్రాల్లో కనిపించింది. ఢీకొట్టడానికి ముందు తీసిన చిత్రాలతో పోలిస్తే.. ప్రభావిత ప్రాంతం అనంతరం మరింత నల్లగా కనిపిస్తున్నట్లు దక్షిణ కొరియా అంతరిక్ష సంస్థ వెల్లడించింది.

దనూరి దక్షిణ కొరియా తొలి చంద్ర మిషన్‌. 2022 ఆగస్టులో ఈ అంతరిక్ష నౌకను ఎలాన్‌ మస్క్‌కు చెందిన స్పేస్‌ఎక్స్ ఫాల్కన్‌-9 రాకెట్‌ ద్వారా ప్రయోగించారు. ప్రస్తుతం చంద్రుడి కక్ష్యలో పరిభ్రమిస్తూ ఉపరితలాన్ని పరిశీలిస్తోంది.